去完幾米廣場之後就去食午飯，之後再坐車去頭城農場，
頭城農場位於宜蘭縣頭城鎮更新路，倚山面海，面積約100公頃，其中約有50餘公頃是桂竹林，頭城農場內更有平溪、桃子林溪以及當地人俗稱的『大溪』等三條溪流，貫穿其中，頭城農場構成了得天獨厚的自然景觀及豐富的生態資源。
由於早在出發前看過頭城農場用家的BLOG，知道農場唔會似酒店有地氈，不過都幾乾淨可以接受，房間頗大，兩張大床，兩位小朋友又喪跳床，跳足一個鐘，又一起坐在行李上吃條條(BB蔬菜條/蝦條)。
之後五點左右就落去行一陣，最衰頭先落過一陣雨，地下濕濕地，又熱又濕，有水池，有鄉村牛車。
BB爬上架車度都好開心。
有個小池塘冇圍欄架，帶住小朋友都要小心啲。
最特別係有個竹筏。真係要自己撐架。我唔識游水企上去有啲驚架。水其實好淺，不過因為係死水都幾污糟架。
晚飯是烤肉DIY，要自己透爐，材料是自助形式，如果不想食BBQ，也可以吃其他熟食如飯，炒米粉，刈包等，經過一番努力，爸爸起了爐，而他們也烤了不少肉，豬扒好好食，另外台灣腸也烤得不錯，以朗又吃米粉，又吃肉，也有吃他最愛的粟米。
吃完之後可以去看螢火蟲，由四月開始有螢火蟲，之前在香港看過，只有一兩顆，而且是水生的，所以對今次的螢火蟲體驗也不太有期望，只是當飯後大夥兒走走。
最後都看到，而且不少是飛的，不算太多，但比起上次經驗已算好好。都好開心啦。
看完螢火蟲之後，原來好戲在後頭，有DIY天燈，
曾經在十分放天燈，想不到天燈可以DIY~真係DIY。有導師指導整天燈。一個天燈有四面，要摺，塗膠水，寫字，其實都幾易，最後根據指導下放個架就OK了。
我們九人可以做兩個天燈。我們跟爸媽一個，哥哥一家人一個。
我跟爸爸努力做天燈時，熊就跟以朗四處走走。
最後的製成品飛上天，估唔到成功上天。BB唔知識唔識呢。
天燈之後我咃仲玩煙花，農場內的店舖有煙花賣，有大大小小煙花，有啲用手拎住，以朗都有份玩呢。大家好耐都冇玩過煙花，都好開心呀。
沒有留言:
張貼留言