20180403 - ☆★東海堂白桃蛋糕★☆

4月3日星期二
聽日係以朗歲半生日，我哋聽日會去台灣慶祝呢。
借個機會食吓蛋糕，提早今日慶祝歲半生日，唔駛去到嗰邊搵蛋糕買。

白桃・春日白桃忌廉蛋糕
White Peach Cream Cake
零售價 $278
滙豐/恒生信用卡9折優惠價 $250.2
恒生enjoy信用卡88折優惠價 $244.6
面層滿載香甜豐腴的白桃，以輕盈幼滑的忌廉包圍，配以寒天及藍莓作點綴，外型幽雅，蛋糕內層蘊藏晶瑩的白桃果肉及白桃果凍，加上細緻幼滑的桃味忌廉及鬆軟的海綿蛋糕，清新脫俗，完美配撘，締造出豐富口感。長方外型最適合六至八人分享品嚐，

個蛋糕麻麻地，啲桃味比士多啤梨淡口，所以成個蛋糕都好淡口，CREAM 係滑，但冇咗窿多啤梨咁香，成個蛋糕冇咩味，中間的桃味忌廉食唔到咩味，好淡。似食海綿蛋糕，有點伏。

上次一歲BB仲好細粒，宜家歲半由78CM長高到83.5CM 可以勉強自己坐好影相，可以見到個頭仔，不過BB好似傻傻吓，可能因為唔係佢最鍾意的士多啤梨蛋糕吧。


由一歲至歲半，BB大個咗好多，由唔識行到識行，到宜家成日都要跑跑。上樓梯幾好，係落樓梯仲未得，開始鍾意玩滑梯，可以自已行上滑梯。
開始可以自己玩，唔一定要人陪玩，不過我喺度就一定要我同佢玩。
開始唔係樣樣嘢都食，有啲嘢食唔係好食，例如橙同木瓜。
勁鍾意飲湯，最鍾意食粟米同士多啤梨。
食飯鍾意自己食。有時會唔多食菜。
講嘢方面仲係好麻麻。未識叫爸爸媽媽，識講十幾個生字，但有啲音唔正。
最鍾意係狗狗。
同BB一起影相，每天都咁愛BB，錫哂BB。