20180402 - ☺☺摩天輪☺☺

4月2日星期一

復活節假期最後一天，一早約好同爸媽去摩天輪，之後去食餐好的，平日星期日的中環一定淪陷，低復活節假期工人係冇假放的，所以會少人啲。

熊人揸車到中環都成半粒鐘，以朗因爲冇瞓晏覺，三點出門口都係時候要瞓，喺車度瞓咗幾個字落車呆呆地，不過見到狗狗畫畫又係開心豬。

中環摩天輪長期有架軟雪糕車停喺度，媽咪當然好想食雪糕。所以一人一杯雪糕，我哋三口子一杯。

公公請以朗食雪糕，一食又停唔到口。食到咀咀都白埋。得意。



摩天輪附近呢啲一座座嘢畫啲圖畫好靚，好有香港特色，如燒味店，唐樓信箱等，好得意。

摩天輪都是遊客為主，唔多大陸人呢，排咗兩個字左右就上到。20蚊一個人，8個人一卡，不過我哋連埋姐姐6個人都俾一卡我哋。包箱，慳返包箱錢。





轉三個圈，以朗唔係特別興奮，但都好奇四圍望咗。

上到頂見到下面有人造草地唔曬好似好舒服，於是落地時就過去行吓hea吓，幾正啊，可以影到個摩天輪又唔背光，又有草地，以朗可以周圍跑跑唔怕跌，勁放電。




以朗喺草地好free，周圍跑咗成個鐘。



大大的摩天輪同小小的以朗成很大對比。

又坐又跑又跳好開心呢。








坐到五點九就去怡和大廈食晚飯呢。

呢度好舒服，可以再嚟。