20180404 - ✈宜蘭台北親子之旅(1) 宜蘭三星蔥餅✈

4月4日星期三

今日係以朗歲半生日，亦都係第一次出門旅行的日子，今次一行九人一起去台灣，有爸爸媽媽，樹懶熊人，以朗及哥哥一家四口共九人好熱鬧啊。

10:25 機，我哋7:35在家附近上了uber，人多有小朋友要預早少少，等寄艙時兩位小朋友坐喺行李上好得戚又得意。

入閘之後食早餐，有BB係可以帶水架，我哋食大家樂，以朗冇乜點食，因為對佢嚟講太早啦，佢平日未起身架。之後在機場同表哥跑跑跑，跑到唔肯停低，由於佢瞓唔夠我好擔心佢上到機會癲，點知又冇乜呢，上到機睇電視，食咗少少飯直到落機，等落機時轉手俾我抱，唔夠一分鐘就瞓咗。


真係好好彩佢瞓得及時，我哋去機場出面等架8人車直去宜蘭，冇時間食嘢，而以朗就一直瞓。當日因爲近清明節，台灣清明有幾日假期，原本個幾鐘車一直塞到喊，成三粒鐘先落車，好彩以朗瞓咗大半程車咋。之後即刻去酒店休息一陣先出去，以朗喺酒店食咗今朝食淨的恰蛋咋。佢一去到酒店就勁跳床，間房幾大，以朗跳床好開心。

酒店係宜蘭礁溪鳳凰德陽川泉旅，係溫泉酒店，宜蘭都出名溫泉，可惜我唔浸得啦，冇緣份呢，以朗咁細都唔敢俾佢浸了。

第一站去搵食，宜蘭出名三星蔥，呢間柯氏三星蔥餅係當地好有名氣。要勁排隊。但真係好食呢，有名的三星蔥加上厚實的餅皮，立即桿平麵團放進油鍋炸；剛起鍋的蔥油餅由客人自行刷上特調醬料，蔥油餅起鍋後可依照個人喜好加醬料打造自己最愛的風味，嫩嫩的蛋夾在鬆軟的餅皮中，蔥香、蛋香與餅皮融合，趁熱大咬一口，好吃好想食多塊，

但因為當時都五點幾了，就快可以去食酒店的自助晚餐。所以唔食咁多嘢。

另外再一起食咗個花生雪糕餅，都好食呀。
花生捲加雪糕為台灣宜蘭美食之一，其外觀型狀以及製作方式與潤餅相似，是刨刀刨削用麥芽糖粘結的花生麥芽糖塊，再用潤餅皮包裹着芋頭口味的雪糕、花生糖粉末以及香菜。吃起來的口感非常好，帶有濃郁花生的香味，是不少人喜愛的一個甜品。

之後行一陣買了蛋捲，再回酒店吃晚餐，有唔少鴨菜色，間中會出一片片櫻桃鴨，幾好食，有啲像片皮鴨，脆脆地，好食。