如果落大雨，喺中環地鐵識行，喺好多地方都唔駛點經戶外，想食LUNCH，只要識通，由HSBC通去IFC全天橋行都未嘗不可。
不過我哋公司喺中環嚟講都算抵死，近地鐵，不過冇有蓋天橋COVER到，一落大雨就想買對水鞋，因為地鐵出嚟行邊面都死，HSBC出口多數水浸，電車路可以浸到半尺高....遮打花園因為啲地磚一格格，即是一個二個水氹，你可以選擇跳，如果唔係就浸哂，
所以一落大雨真係冇咩意欲出去食飯，只會幫趁自己友，公司樓下唯一兩間嘢，大檸樂同三文治，我喜歡的Starbucks係冇嘅，因為係美心集團，唔係自己友。
上星期落夠屎想食個lunch，大檸樂例牌長龍，唯有食三文治....點知裝修完之後大幅加價，
51蚊一件三文治，冇嘢飲，想飲嘢要加$12，但杯嘢/湯係極細杯，結果為了慳錢就只係$51食個包.....好折墮，
係好大個包，不過麻麻好食。
平日如果唔係太大雨會行天橋過金鐘大班買麵包，但條天橋好食風，一大雨就會濕哂，焗住俾佢賺。 >__<
沒有留言:
張貼留言