♣♧忍♧♣

沒完沒了的conference call+meeting，枱頭一大堆嘢，遲早會死。

日日6點鐘先有時間做番自己嘢，其實都冇咩所謂，不過最把幾火係，成日見某人同我同grade，日日六點sharp/  最遲六點半就走人，朝早9點半仲施施然食早餐，仲要大大聲聲喺公司conference call嘈L住我。

條氣好唔順，原本上年走咗嘅同事啲嘢一人硬食一半，今年開始我要食多2/3，食唔L到咁多呀，IPO又硬食，乜project都係我，想點呀？唔知仲要唔要上北京，上年中秋之後冇上過，其實搬咗新office之後都想上吓嘅，不過又真係冇咩時間，唉。。

得個做字，如果唔係見上年加人工加得幾好，令我有啲希望，我又一把年紀，走人再搵份同宜家差不多嘅工都唔划算，俾著我以前真係走咗幾廿世了。宜家唯有望佢IPO之後會少啲嘢搞啦。