§晚市日式放題@權之助§

上星期五，即7月8日同vyvy，chanc9食生日飯，因為我上星期好忙，原本想去isquare/ 葵芳都冇去到，近近地在中環試一間$188的放題。

魚生麻麻地，啲魚生霉霉地，只有三文魚過得去，只叫了一次就冇再叫了。如果想食魚生就好失望了。

蟹子沙律OK。

任飲飲品有汽水之外，也有蜂蜜綠茶及柚子柑桔，此乃柚子柑桔，不過唔好有太高要求。

雜菜沙律，

好似雪糕咁款，原來係薯蓉沙律

芝麻墨魚仔，每一份得一隻，就算叫3份都要分3兜上，呢一份唔知點解有兩隻，好大隻，都唔錯

呢個放題比較特別係包火鍋一個，個湯底係豬骨湯，冇咩味精，唔錯，不過好少料，每次ORDER三份都係得少少。豆腐得兩件，好孤寒。

芝士焗蠔幾好，好夠熱，不過大細不一，有啲好細隻，睇你好唔好彩。

燒粟米係全晚最有驚喜，好好食，燒到票米邊脆脆地，有牛油香味之餘亦有粟米甜味，本身燒粟米時加上了七味粉，帶起了少少鹹味，好好食。encore了幾次。

雞軟骨同多春魚，雞軟骨整得幾好食，不過多春魚就好細條，細到好離譜，見到都冇咩胃口食了。

聽聞呢間拉麵好正，就試吓個博多拉麵。ok啦，麵質一般，主要係個湯底做得幾好，唔油，冇咩味精，飲咗幾啖都唔會好口渴，喺香港食拉麵好多個湯底都好味精，呢個幾難得。

螺肉，如果呢啲都唔得就死得人，正常啦。

有炸帶子，炸蠔，燒八爪魚球等，呢間啲炸嘢幾ok，一般好熱辣辣，做得唔錯。

估唔到蝦天婦羅幾好食，即刻炸出嚟，好熱辣辣，漿粉未至於太厚，合格有餘。

雪糕有幾款，有芝麻，綠茶，朱古力等等，綠茶味唔夠，奶味比較濃，芝麻就幾好食。