✈✈又北京 (1)✈✈

19/7-21/7又飛了去北京做嘢，

由於早機去晚機返兼且要陪住啲同事四圍走去FA Count，唔有個香港人跟到足，啲人一定就hea住count。結果只能搵我呢個大打雜去睇住佢哋take，

一日行足幾粒鐘，對於零運動的我，有啲生不如死的感覺。一陣又要同吓CTO傾嘢，仲辛苦過喺香港，雖然7:00-7:30都放到工，不過我寧願著得靚靚咁喺香港坐office，都唔想一日走足幾個鐘，出入機房又冷又熱，很不好受。

9:00機，早機比起同老闆出trip要8:30機已經好咗少少，

喺機場影吓，

 新嘢-- The Cars 2

 seems very cute~

 also pooh pooh and his friends.

食早餐，揀了西式，因為好怕一早流流食炒米粉，好油。

 不過西式最後都是中伏了，算啦，飛機餐係咁上下。

 賣相也可以，只是自己不太喜歡好重的牛油味。還是好一餐不好又一餐算了，

原本應該12:15到達的，不過因為北京天氣惡劣，在天空飛多半個鐘才能降落，坐的士去到再食少少嘢先。

2:00去到，太興....無錯就是香港的太興，

漏了單...2:30才有....想@$%^&

仲要唔好食，好油，雪菜肉絲是即炒的，好油...又中伏了。 >__<

出北京唯1好處是住5星....一條友瞓咁大張床好幸福，雖然我其實只係瞓到半邊床而已。

 因為出示Staff Card有水果送，仲可以3:00 check out~

我最後只食咗條蕉，因為懶得食，死啦，連食都懶，真係唔死都冇用啦。 XD

晚上去食一間嘢叫麻布十番，今次全程都在東方廣場度開餐，比較穩陣，不過都好貴吓，每日得250 allowance都俾番哂佢咁囉。

 個樽竟然是味千.....冒牌乎？越食越驚。

 2X- 3X一個拉麵，不過係收人仔喎。

 究竟同味千咩關係呀？

 北海道風味噌拉麵...辣的，不過不失...一貫地道風味...油.....拉麵唔似日式拉麵而是中國拉麵...好地道啊。

 還有餃子，日式餃子，10元6隻，大陸食餃子真係可以好平，不過用咩做餡就唔知啦。呵，好熱辣辣的，比起在香港食的皮薄好多，其實幾好食。

 芝士薯餅，又是新鮮熱辣的，唔知係唔係即炸咁厲害。