(◍•ᴗ•◍)Subway

因為團購關係，用50蚊買了兩張面值50蚊的Subway 現金劵。

中環金鐘好鬼多subway，不過我竟然一次都未幫襯過。
因為我多數幫襯樓下的三文治嘛。
但由於瘋狂加價之後真係好搵笨。
想食包都係要搵啲平少少先得。
不過原來一個六吋包大約都只是35-39蚊不等，加埋12蚊轉set都未必夠50蚊。而且每日有一款包特價19蚊加埋set都好平，好耐冇食過啲咁平嘅lunch，(自己帶飯除外)，當宜家去麵包店買一個唔飽肚麵包都要10雞，宜家呢個價錢令我感動到想哭。。

一開始揀三文治款式，有成十款，我揀了roasted chicken，之後就開始自己揀包，佢有四款麵包可供選擇(意大利香奶酪Parmesan Oregano， 意大利白面包 Italian White，蜂蜜麥包 Honey Oat,，全麥 Wheat等)
店員問你要唔要cheese，之後將cheese放喺中間，拎個包去翻熱返。然後就係加配菜， 配菜方面就有的生菜，蕃茄， 洋蔥， 酸瓜， 青瓜及青椒等任君選擇。最後係加醬汁，醬汁方面的選擇有芥辣，千島醬， 燒烤醬， 蕃茄醬，紅椒醬等等) 。我揀咗bbq sauce。

啲汁唔太夠，不過都好過麥記。因為我好鍾意食酸瓜，加咗酸瓜之後超級好食。

加12蚊的set有嘢飲，另外仲有曲奇或薯片揀，
曲加兩塊，好大塊，好似Mrs fields 嗰隻咁腍身，喜唔喜歡食就見仁見智啦。
我就一般，因為都幾甜。 

餐飲有汽水，但我少飲有汽嘢，好彩仲有雀巢檸茶揀。