<(￣︶￣)/ 夠鑊氣@妹記大排檔

因為生日，所以好多飯局。

第一餐生日飯係去妹記。

大排檔樣，其實有冷氣的地點在地庫有電視。

開開心心，大家啤一啤，5人同行，1人唔飲，其餘4人都可以以酒代水。

哈爾濱啤酒

好鍾意個戰鬥碗，雪凍咗個碗先令啤酒更冰冷。其實北角街市的東寶小館都有戰鬥碗架。

中間有個勝字，不過個碗崩咗喎。

最出名必食的的一道菜，鬼馬油炸鬼，外面炸得脆脆的，內裏白色的應該是墨魚膠，再點了一些醬汁很好食，每件好大件架，而且頗油膩，唔係人多都食唔到。

椒鹽八爪魚咀我是第一次食的，大部份都很爽口但有些比較大的要咀嚼很久才能吞下去。炸嘢幾有水準，好脆。

咁多炸嘢都要食吓菜---鹹魚蓉飛天通菜...點飛天？唔知...只覺得幾油

沙拉骨酸酸地幾開胃，不過唔知點解啲色唔同平時，肉骨比例適中，唔錯。

芥末子墨魚球，好少芥末味，食唔到芥末，應該有，不過極少。

南乳豬手，幾好食。

籠仔蒸雞幾好食，雞肉嫩滑，肉汁豐富，仲有唔少冬菇。

大部分係炸嘢食，好鬼熱氣，好彩哈爾濱啤酒都幾好飲。