◈◈又中伏...陸羽茶室◈◈

喺中環做嘢足足3年，好多出名食嘢的地方都未去過，

繼上次試鏞記中伏之後，今次就試另一間出名的

陸羽茶室。

影吓啲茶具先，洗得唔乾淨...

點心紙，每星期唔同

啲茶幾好飲。

糯米雞，好大隻，好似荷葉飯咁。

好多料，食到蝦，鹹蛋黃碎等。

真係好大隻，可以食到5-6碗仔。

雲腿三絲筒，似雞絲粉皮，完全唔得，原因係啲皮硬的，未去到死實實嘅地步，不過係三件漿埋一齊，要用筷子先整得開，美心酒樓好食過佢多多聲。

想試豬油包，不過今個星期唔喺點心紙上，結果試滑雞球大包，一籠一個好大個包，好多餡料，夠3個人食，有蛋有肉。都OK好食。

雲腿鯪魚筒，呢個幾特別，裡面係鯪魚肉餡，出面係炸的，幾好食。

燒賣，冇特別，唔會特別好食。

蝦餃又係冇咩咁出色，仲嫌啲皮厚咗少少。

淨係食點心都食咗378元，貴，不過以中環開飯價錢都算可以接受。

不過啲人服務質素勁唔得，個點心阿姐唔帶口罩拎點心時打噴嚏，只係擰側塊面就算，好唔得呀。