20171213 - ◈◈近況◈◈

12月13日星期三
馮以朗今個星期在婆婆家開始自由行，自己喺屋企四圍行。終於有行的意識，唔會成日都爬地。
口水又流少了。
同表哥玩得好開心，開始越來越多互動，而且有追吓咁，希望以朗可以同表哥多多學習。

麻甩仔。有朋友話係不羈。XD

每晚擦牙好開心。唔知有咩咁好玩。

識行，不過出街都係麻麻地，有待改善。


至於屋企就喺星期三整好哂，但冇時間執屋，因為工人姐姐湊住bb，唔可以返去執，而熊人因為開夜啲時間都唔係好夾到。
其實我好想盡快搬返去，雖然喺媽咪度住好開心，但我想跑步同整羊毛氈公仔，而且唔喺屋企同熊人真係兩日冇見面了，只靠電話聯繫，如果返屋企住，起碼知道熊人回來在身邊。
宜家同熊人時間唔夾，唔一定見到佢了，搬去新屋就係新生活的開始，見唔到，就只可以用愛去維繫，我自己趁以朗瞓咗就搵啲節目吧。