20171210 - §意樂+海綿寶寶+元氣§

12月10日星期日
BB豬午睡到差不多三點，我哋大家都好肚餓，所以近近地去意樂食下午茶，其實幾好食，好精緻，蕃茄濃湯意粉，蕃茄湯係幾好食的，配兩樣餸，選了腸仔同野菌。


另一個係野菌天使麵，個汁整得幾好食。呢餐一百蚊左右，好抵食。

之後同BB熊人去實惠睇吓啲傢俬，睇完路過海綿寶寶，又俾BB玩吓，不過今日穿睡衣落街好肉酸。
BB宜家一見啲彩色嘢就想玩，可惜出到街就行得好差，

不過佢都好開心，由於行得唔穩，又跌，所以衫都好污糟，好彩帶多條褲換。




因為玩海綿寶寶搞到17:32先攞飛，竟然要排45個籌，真的好乞衣，5點幾等到成七點。
第日去熊貓酒店食好過了。
叫了蒸蛋同烏冬俾BB食，但BB不吃蒸蛋，激死。

今期新嘢，三文魚子+吞拿，好好吃。

大家都愛的炸蠔。

影得好靚的鰻魚芝士反卷。

綠茶千層蛋糕。只吃了兩啖。
因為BB好嘈，忍不住打了BB大脾一下，成日尖叫。就快唔敢帶佢出街了。