20171203 - •●❤旋轉木馬❤●•

12月3日星期日
BB因為星期六好攰，所以十點就睡了，熊同BB豬，點知五點幾又起身要食奶，食完又再瞓到7:53，未夠八點，爸爸都醒了，早餐竟然乖乖地食麵包。食成大半個，之後熊人帶BB落街玩了一小時，一上來就瞓覺，十二點瞓到兩點。

起身又同BB去迎濤灣食粉，熊人仲叫了西炒飯俾佢食，咁重口味，好離譜。
BB一件檸水就要飲。唔飲唔食嘢又扭，好百厭呀。我哋唯有求其俾塊檸檬，少少檸水加熱水俾佢，BB見有檸檬就照飲，其實冇咩味。



之後同BB行海濱長廊，見好多小朋友矮過佢都開始學行，可以自己行，但BB成日唔行，想佢都行吓，於是拖住佢，拖拖吓又想我抱，後來引佢行渠蓋，佢又鍾意呢，仲行咗好耐。
去到公園，佢好想玩架，不過聽到有小朋友咳，又有家長帶口罩，都係唔好了，佢見人有吹波波好開心，不次都要同佢去吓大埔海濱公園吹吓波波。
之後上商場睇吓XO，
BB都好開心。


仲有好多小朋友一齊玩，好多小朋友識行都矮過BB，以為BB係哥哥，其實仲細過人哋。

玩到咁上下又排隊厄旋轉木馬，熊人排住先，我同BB玩一陣，之後再接力，15分鐘一節，辰等多一節即係等半小時。


不過BB未玩時都望住木馬轉好開心。應該喜歡玩，我哋揀咗隻好靚的馬，而我坐隔離的熊人，熊人就陪B坐。
BB唔驚，但又冇笑，只係周圍望嘢，好認真，下次佢應該會玩得好開心。

玩完返家六點前，同BB瞓一陣瞓到七點起身食飯，多謝爸媽煮飯俾我哋食，辛苦了。