20171207 - ☼cakes@Simply Life☼

12月7日星期四

今日係1207的日子，不過熊人沒有時間同我慶祝，見到佢好辛苦，我都唔知可以點好。

雖然我哋冇得慶祝，不過我都早一日買了CAKE 俾熊人，由於現在住在媽媽家，我都會順便買多件俾媽咪食吓。我自己就唔會點食，因為怕肥，宜家蛋糕我食少了，通常同熊人SHARE，只食少少或者半件咁。

 

今次去SIMLY LIFE 買，講真我成日食東海堂，但其實唔係真係好好食，廿幾蚊一件CAKE，同三十蚊一件是不同的。COVA已經去到成40元，不過又唔一定好好食，反而SIMPLY LIFE $32又唔錯，雖然SIMPLY LIFE都係美心集團，不過蛋糕同麵包真係比起美心好好多。

上次媽咪食過的士多啤梨CHEESE TART佢話好食，我好喜歡佢啲CHEESE唔太多，但很精緻，士多啤梨比例好多，加啲CHEESE唔會好漏，而且幾滑。

至於另一件CAKE 是香蕉朱古力MOUSSECAKE，其實之所以揀呢件係因為朋友話好食，所以試吓，不過我覺得有點失望，因為主要是朱古力蛋糕。香蕉只是底吓幾片，成個蛋糕其實冇乜香蕉味，香蕉同朱古力其實好夾，可以起到化學作用，但呢個蛋糕真係痛咩朱古力同香蕉的結合，作為一個朱古力蛋糕是合格有餘，仍為一個香蕉朱古力蛋糕就令人失望了。

結論係，下次都係食返Strawberry cheese tart或者 blueberry cheese tart。

 

今日放工打俾裝修條友嘈，希望有用，已經遲了十幾廿日，如果唔係有媽咪度住住先，真係好淒涼。希望快啲可以搬返入去啦。