20170406 - ✿東京賞櫻(4) 涉谷逛逛食食✿

4月6日星期四

去了西立川之後就經新宿到涉谷逛逛。

我們上次去東京沒有到個涉谷。我認識的涉谷是以前有套戲是叫涉谷24小時。

來到第一眼的感覺好多人，有啲似旺角，銅鑼灣。

知道有一個忠犬八公像，不過我就懶得去朝聖，因為我哋要醫肚先，而且好似要行幾遠。

行行吓就食拉麵，呢隻拉麵唔係九州拉麵，東京拉麵，上樓的，唔多人，但熊人唔小心整到人，因為個背包整到另一枱食客，好彩佢又冇乜事。

食完拉麵走咗去間賣古著的睇衫，我揀咗兩件事都貼貼，我真係好肥啦。熊人買到幾件衫，但因為二手衫啲塵令到我個鼻好唔掂。

我哋又去咗玩夾娃娃，日本的夾公仔都好難玩。有啲係推的，有幾個台灣人玩咗好耐都推唔到隻粉紅色叮噹，我哋想推隻樹熊都失敗了，不過熊人都夾到個梳乎蛋。

壽司型好可愛。

行咗一陣買咗藥品，士多啤梨等，因為趕返酒店見BB豬，之後先再出來搵食。本來想搵上次去食過的西餐，但最後兜咗好耐都搵唔到。於是隨意食一間麵同飯的，喺日本食過少有地唔好食，炸蝦好瘦，麵冇咩特別。最大問題是熊人的滑蛋豬扒飯係有雪味的。伏味濃。

我哋之前喺新宿JR站買咗啲蛋糕食食。

蛋糕外表好吸引，味道就OK，唔係太驚喜。

酒店可以見到新宿夜景，正。