20170422 - ㊣東京築地拉麵㊣

4月22日星期六

今日去私家打針，朝早湊寶寶出去時有點想睡。結果在車上吵吵鬧鬧，到獅子山隧道才睡覺。

一場出到旺角，想行吓Line Friends Store，人多想影多啲相都唔得。

比較新的產品，恐龍熊大，😚😚😚

長頸鹿熊大😚😚

豬熊大，北極熊熊大，我愛你😘

Coco仍然是主角。

之後就去食午餐，原本想去上次食過的越南嘢，但去到門口又見到有間拉麵好似平平哋，於是食拉麵。

叫東京築地拉麵，

看看餐牌，標榜用的是七輪製麵法，以3種北海道高級麵粉，加蛋、海鹽和38度純水。然後攪拌、延壓，再在恆溫恆濕環境中熟成，然後再醒發，再延壓再切成20mm麵條。

有款比較特別的綠魅拉麵，青色的湯，應該是菜吧。

$62麵屬於比較幼身，彈性明顯，有咬口，略帶梘水味。

顏色很青但個湯底很淡味，沒有味道，
個湯其實係用菠菜煲嘅，d豬肉直頭似滾湯豬肉！淡到唔想飲多口，因為根本冇味道。

而熊人叫的赤拉麵應該是辣的，但湯底都是奇淡。

比較可取的是糖心蛋，好味，入味，合格有餘。

另點了泡菜餃子雞翼($32)
餃子雞翼是為懶人專門設計的重要專利！這款餃子雞翼用了泡菜和豬肉打碎，然後塞入去骨的雞翼當中，雞皮煎得非常香脆，內裡的餡亦鮮嫩多汁，加上泡菜辣辣地，都可以吧。

網上評價很高的店子，我實在不能認同，唔難食，但湯底味道完全不及格，如何能獲如此多好評？