20140117 - ☎南翔饅頭店☎

1月17 日星期五

今日同熊去荃灣食飯，去綠楊坊，有EURO GOGO，不過今次試下食南翔饅頭店，原來係米芝蓮推介過，真係唔知，可能因為不用等位吧。

皮蛋豆腐，好正，唔及小南國的千張豆腐咁靚咁好刀工，不過幾好食，熊仲話個豉油味好濃好香。

口水雞，擺明係辣，但我不自量力要點，結果都是熊食得多。

四喜烤夫普普通通，勝在價錢唔貴，樣樣細細碟，咩都可以食吓。

鱔糊拉麵，炒鱔糊是分開上，ok，份量冇金滿庭咁少，肉質點到搵唔到好似滬江飯店咁好食的了。

點了四隻小籠包，肉味挺新鮮，質感刴得幼細，湯汁則稍為少，而外皮夠薄，

食完之後求其行一陣，有人好想食甜嘢。於是去了McCafe食了件朱古力蛋糕，好似係金莎朱古力做的，雖然我一向對金莎冇興趣，不過呢件都整得幾好食，

返到屋企仲有得食，係綠茶年輪蛋糕，阿嫂買，之前在京都食過一個綠茶豆腐蛋糕，超級甜，甜到怕，好彩呢個都唔算太甜，可以接受到，綠茶味幾夠，唔錯。

好飽都食咗少少，呢個餅好似係新年版，所以有招財貓。

同熊行千色店，買了對左右腳唔同的鞋，英倫風，熊最喜歡。