20140123 - •●❤跑少咗好多 ❤●•

1月23日星期四。

上次跑是上星期的事，狀態應該唔錯吧。
不過因為今日好遲番，熱完身已經8:30。
所以冇跑20圈。
第一round都是12個圈，但真係可以做到1個字兩圈，
肌肉ok，因為上星期先跑完，但耳仔好痛。
因為天氣好凍，天氣凍跑步我必定耳痛。
咁我會用紙巾塞住耳孔，可惜今次塞住都唔得。
再加多一樣大問題係隻手好凍。
直情係結冰咁凍，凍到痛，下次應該學英超足球員咁帶手套跑。

跑了十二圈剛剛好九點，行一圈花了一個字，打算跑多陣就走。
熊叫我跑快啲，是但跑三個圏就走，
於是我搏老命跑。
由於速度太快，跑了半個圈已經謝哂。
結果三個圈都有半個圈係行的。
唉真冇用。