1月4日星期六
約了apple 3 點CWB check 機，於是我們罕有地於星期六下午在CWB。臨時想睇戲，買了飛又未夠鐘check機，於是同熊去Cafe Corridor hea 下，點知有最低消費。
熊話18 Grams/ Holly Brown好味啲。
因為最低消費於是點多個Lemon tart，幾好食，但要32蚊，compare Starbucks 只是19蚊而且大個啲，好唔抵。
去整機等好耐，好彩佢換咗條新叉電線俾我咋。之後趕頭趕命跑去times square睇3:30。都幾好睇。之後仲同熊聽返Space Oddity~
The Secret Life of Walter Mitty<<發夢王大歷險>>改編自繪炙人口經典小說，華特米堤（賓史迪拿）總愛發著一個又一個的白日夢，在他腦海裡超現實幻想情節，一切無所不能，但重返現實，他只是個紐約鬧市中刻板辦公室的小職員，即將面臨快被裁員窘境，又沒膽跟默默迷戀的女同事來一場轟烈戀愛。直至身心再容忍不了的疲憊一霎，華特放手一搏，決定踏出勇氣第一步，不理後果跑去機場買下北極圈格陵蘭的機票，展開環遊世界征途！歷盡汪洋風暴，穿梭峰巒國度，華特讓一切變得超乎想像；人生原來可以如此精彩，真實的冒險歷程，遠比白日夢想更絢爛動人！
夜晚同fd去了三聖邨食海鮮慶生。
去興記，我又認唔到路唔識行=___='
興記燒鵝好好味架，當日得番最後一碟例牌咋。
蝦幾好食。
我哋都好耐冇食瀨尿蝦。
鮑魚仔好鮮甜。
魚始終係必食，清清地。
之後吹水吹到人哋就閂門，唯有轉去深井食甜品，發記。
我哋都係點熱嘢，朱古力心太軟。
綠茶綿綿冰太凍唔係我點呢。
芒果酥皮卷。
同熊第一次見面在CWB的發記食甜品，所以次次去發記都會感到SWEET~
Cafe Corridor, 我朋友開架, 哈哈, 幫你反應一下先!!
回覆刪除Really? 咁麻煩係反映下啦。
刪除