20140115 - ☼Ramen champion ~南青山☼

1月15日星期三。

同熊特登再去恆豐中心下面的Ramen Champion再試拉麵。

熊本身都喜歡食拉麵，上年去完日本回來之後就好似更加喜歡食拉麵啦。

上次去只試過一間，所以今次再試吓其他。

今次唔再一人一碗，而係每人share 兩碗，可以一次過試兩間。

其中一間係南青山。

點了一個濃湯豬骨拉麵，份量好似幾細呢。

拉麵是幼幼的，應該是九州的麵檔， 麵好滑， 充份掛左湯味， 好濃郁!!!

而啖湯都幾好味，好濃郁，唔係平時成層油浮係面個種湯...
呢間個湯偏杰身 ，奶白色咁樣

而叉燒切得好薄，所以做到入口即溶的感覺。份量同上次超男比，真係少好多，係會食完仲想再食。

另外，再試另一間叫Dotechin，

有個叫和風淡麗海鮮拉麵，個湯比較淡，竟然有啲似我哋雲吞麵的清湯，好失望，唔係話佢難食，只係覺得想食日本拉麵，其餘係想試比較濃味又唔味精的湯底，呢個太淡啦。

比較特別的是櫻花蝦，比較少食到。

個set 可以加小丸子，都ok啦。

食完之後行咗去九龍公園，原來有香港漫畫人物的大figure。全都是本土原創的漫畫。

例如msn而起家的馬仔。

較遠年代的牛仔。

近年冒起的小克。

都幾得意，如果日頭行過會同佢合照。