•●✿2013 京阪(5) - 東本願寺 & 拉麵小路✿●•

6月8日星期六

因為瞓晏咗少少，所以食唔到東橫INN的早餐，要九點半前先有，我哋九點八先去食，開始收嘢啦。
但都飲咗兩杯咖啡。

東橫INN 五条烏丸雖然好近地鐵站，但好多巴士都係要去京都站至有得坐，吓吓都要轉一個站地鐵其實唔太方便，一個站地鐵要220円，最慘地鐵唔算密，要等成五分鐘，再加上要上上落落都幾費時失事，於是問問酒店人員點去京都站，其實都唔係遠，出酒店轉右直行，大概行15MINS。

原來會路經一個寺。
叫東本願寺（ひがしほんがんじ）。
幾大吓，唔算多人。

 東本願寺與西本願寺本來是一體的，因為在豐臣秀吉在位時期，本願寺第十二代產生了繼承人長兄教如與三男准如之爭，後由豐臣秀吉裁奪三男准如為本願寺第十二代傳人，但在豐臣秀吉過世之後，德川家康賜予隱居中的教如一塊位於烏丸六條的土地，讓他再興建另一座本願寺，也尊稱教如為本願寺第十二代傳人，這也就是現在的東本願寺，由於兩方追隨的分寺和門徒眾多，於是東西兩座本願寺各據一方成為龐大的宗教勢力。
東本願寺於江戶時代總共遭遇四次火災，現在的建物是明治時期集全日本門徒之力，花了十六年的時間才重建完成，參與人數超過兩百萬，可見重建所耗費的心力，而1895年新完成的御影堂與奈良東大寺金堂，都號稱為世界最大的木造建築物，到底誰比較大可就不太清楚了。

 參觀時間： 3月～10月，上午5點50分～下午5點30分。11月～2月，上午6點20分～下午4點30分。
參觀費：免費

 行咗幾個字去到JR站，JR 站有伊勢丹，其中伊勢丹十樓是全層拉麵店，所以叫拉麵小路。

可以坐扶手電梯，每段係兩層

 上到去有超過六間拉都店，真係花多脈亂，

最後揀一間比較貴的叫博多一幸舍。

配菜任食，熊話辛子高菜好味，我就覺得辣咗啲。

 呢間拉麵比較貴，一千円，千一円一個拉麵。

 熊點了個黑拉麵，是黑蒜味，比較少有，味道有啲似醬油，好濃。
配料有蔥同埋木耳。

 我點了濃豬骨湯，好多塊叉燒。
义燒是全瘦薄薄的一塊， 好少肥肉但仍然可以做到入口即溶而且有肉香，
湯底有很濃豬骨味，而且唔會味精，比起香港食開最喜歡的長濱拉麵更好。

 唔係生麵而係拉麵。麵條好好食，雖然是白色，但有少少蛋味。好爽口。

 香港食開的蛋是一隻開邊的。
呢間係成隻，但內面仍然可以保留了溫泉蛋的流心。

非常令人難忘的拉麵，
原來香港都有博多一幸舍，不過聽聞同京都店的質素差符遠。
食完大家好滿足咁出發去清水寺。
之後仲喺MISTER DONUT 買咗兩個DONUT食，在去清水寺的巴士途中食。可惜無影相。