6月9日星期日。
下一站係去伏見稻荷大社。
五条（京都市営）烏丸線 --->京都( JR奈良線)---> JR稲荷站
，單程140円，好抵。
我冇坐地鐵，直接行去京都站坐JR。
http://ekikara.jp/newdata/line/2701151/down1_2.htm
等車等了十分鐘，車程都係十分鐘左右。
JR稻荷站係一出去就係伏見稻荷大社，記住一定要係JR站先咁近。
同JR站只差一條馬路。
京都的
伏見稻荷大社據史書記載始建於和同4（公元711）年，是日本全國各地四萬所稻荷神社的總社。稻荷神社是日本人信奉的保佑商業繁榮昌盛、五谷豐收之神的所在地。
參拜時間：
8:30～16:30
費用：免費
伏見稻荷大社
http://inari.jp/
伏見稻荷大社在香港出版的旅遊書係好難找到架，反而台灣人，外國人係好鍾意呢度。
係好TOP的旅遊點。
去過幾個寺/大社，好清楚入去前先洗手。
樓門狐狸青銅雕像，因為它們是掌管穀物食物的稻荷神的使者，所以口中叼著的是收割工具或者穀物。
這裡的繪馬是非常特別的，其中一樣便是鳥居繪馬，許願者當然是買下寫好願望掛上。
伏見稻荷大社位於稻荷山，由樓門、本殿、千本鳥居等構成，綠樹掩映深處，一條看似隧道、由千座朱紅色鳥居構成的神祕通道，直通稻荷山山頂，是京都獨特風景的代表之一。每年舉行歲旦祭、稻荷祭、節分祭、田植祭等多種祭祀活動。
一直走，未發現好有特色，
我地一直想看的是「千本鳥居」。
終於看到了。
好震撼呢。
鳥居一排排形成了隧道，呢啲鳥居隧道可以一直通常山頂，走畢全程起碼要兩三小時。
真係排得好密架。
千本鳥居－起源於江戶時代的習俗，前來此地許願的人們往往會捐款在神社境內豎立一座鳥居來表達對神明的敬意，使得伏見稻荷大社的範圍內豎有數量驚人的大小鳥居，而以「千本鳥居」之名聞名日本全國乃至於海外。捐款豎立鳥居的單位包含個人、公司行號乃至於各地的商會組織，目前現存的鳥居，最早可以追溯到明治年間。
原來當年拍攝的「藝伎回憶錄」小千代便是在這裡取景。
到了奧社奉拜所可以找到另一類的狐狸繪馬，相當特別，平時見唔到。
我哋行咗一陣，個個鳥居差不多，而且因為冇咩時間慢慢行，所以就離開了。
呢度好特別，放相上FB，最多人問就係伏見稻荷大社啦。絕對值得一去。
在附近找一間食店食嘢，因為兩點幾都未食LUNCH呢。
冷烏冬。
好清新又唔油，所以點解日本冇咩肥人。
和式的小店，冇咩人，我哋都係席地而坐。好正。
點了以為燒雞翼，佢叫燒鳥，日本的雞也叫鳥，所以一直以為是燒雞，再食落去至覺得係一隻鳥。
呢一碟有頭有腳有翼架.......>__<
沒有留言:
張貼留言