6月7日星期五。
跟住指示行去竹林、野宮神社、天龍寺、渡月橋 、嵐山公園 等地方。
入到去見到好多竹，好高。呢度就係竹林？
竹林，野宮神社，天龍寺，渡月橋等，全部喺哂附近，
好似係一個小鎮，我哋見到隨街都係江戶時代打扮的人力車夫，
好多年青人都係人力車夫，仲有女仔都會拉車架。
行行吓去到野宮神社。
地方不大卻供奉著包括野宮天照大神、白福白稻荷大神等多位神名，很多遊人前來參拜，有的為學業進步，有的希望締結良緣，有的孕婦則祈求母子平安。
http://www.zipangguide.net/travel/sight/kyoto/nonomiya_temple.html
少不了的鳥居。
之後又周圍行，有火車經過時會落閘，唔俾人過馬路架，喺香港好難見到呢啲情景。
行行吓到了天龍寺北門，入內參觀要600円，由於坐凌晨機瞓唔夠，而且今日其實去了唔少地方，所以沒入到去天龍寺參觀，
但我睇過人哋啲BLOG其實天龍寺好大，有山有水，係賞櫻或賞楓葉的好地方，如果有機會再嚟要去睇吓。
再行出嚟見到好多好高的竹，比之前見到的更高更密，呢度至係嵯峨野竹林步道，
每一棵竹生長得好高，.好似武俠片咁。
之後又行咗去渡月橋，其實唔係太特別，
不過好舒服。
望住對面的是嵐山公園，聽聞櫻花盛開的季節時，啲人會帶食物在櫻花樹下野餐，好多人，有時會冇位坐。
宜家冇櫻花冇紅葉，但有好靚好靚嘅青綠樹木。坐喺度HEA 都好舒服。
由於凌晨機唔夠瞓，所以坐喺度唔想郁，亦冇行過去對面。
再坐多陣就走啦。去JR站坐JR返京都站食晚飯。
見到嵯峨野觀光列車泊喺到，BYE BYE 啦嵐山
好快就到京都，好肚餓，因為我哋只食過壽司咋。
於是我哋喺京都站月台食麵，太肚餓，唔想搵啦。要即刻醫肚。
係快餐形式，揀麵，例如冷麵，湯麵，熱麵等，揀完麵就自己夾天婦羅，每件大約一百円左右。
由於行到熱又攰，我揀咗冷麵。
天婦羅分別點了五件，有炸蝦，野菜，同埋南瓜，南瓜幾好食。
另外兩件天婦羅是炸獅子狗同埋炸薯餅，個薯餅有驚喜，裡面有粟米同埋幾CREAMY。
由於麵只係280円一個，好爽口的麵，好好味。
呢餐兩個人只食了千一円，好抵食。
食完麵當然未1夠飽，再去京都駅附近的百貨公司FOOD COURT食CAKE，+ COFFEE
COFFEE麻麻，CAKE 幾好食。
千層酥(拿破崙)CUSTARD好好味。
由於當日好攰，七八點就番酒店休息啦。
我哋今日買咗個蛋糕食，好吸引，如果好食會買番香港請人食，可惜太甜。
綠茶+豆乳，唔覺豆乳味，綠茶味夠。但好甜。
沒有留言:
張貼留言