•●✿2013 京阪(19) - 大阪最後晚餐✿●•

6月11日星期二

去完大阪城之後就陪熊在心齋橋附近睇結他，
其實唔係好有興趣，不過佢好想睇都要就吓佢。

到五六點又返去難波一帶，又食食食。
在大阪最後一餐啦，聽朝要早機走啦。
行行吓見到壽司店，又食，
在日本落機第一餐在京都又係食壽司，宜家LAST 又食壽司。
呢間唔再係均一價，但價錢都比香港平少少。

食鰻魚壽司。

 

 再戰海膽，比起第一日食的好好多。

 三文魚好肥美。

 吞拿魚都GOOD ~

 竟然有茄子壽司，好特別，不過唔係太好食，做壽司好似唔係好夾。

 迴轉壽司一樣自己沖茶，但同香港有少少唔同的是WASABI唔係擺出嚟，要問佢攞至有。

基本上啲壽司都幾好食同幾新鮮。

 食完之後又行一陣，買咗啲牛角包聽日當早餐食。唔係好想買嘢，冇咩好睇，反而又去食多次。今次食丸亀製麵'手打烏冬。

又係日本的一貫自助式選湯底再配餸，選好就俾錢。今次唔再係食凍烏冬，不過個湯都係分開上。
烏冬幾爽口，質地比起香港的一PAT PAT 好好多。呢隻係讚岐烏冬，同稻庭烏冬(來至秋田)最大分別是讚岐烏冬口感粗糙得來充實，而稻庭烏冬則幼滑細膩，更爽口。

 啲餸都係天婦羅為主，
仲有個好似肉餅幾好食。
京都成日食到蕎麥麵，嚟到大阪就少食到。

 食完再行一陣，行咗去激安之殿堂，好多嘢賣同埋啲嘢好抵。

之後返酒店擦埋啲蟹腳。

玩執行李等。

而6月12日係冇行程，10:05機，CHECK 好了7:30有班南海電鐵去機場，
7:00鐘就由酒店出發，行去地鐵走穿過去南海電鐵車站。真係好唔捨得呀。
每次去完旅行番屋企心情好矛盾架，掛住屋企人，想回家，但另一方面又要回到現實世界啦。
京都真係好靚，我會再來的。