•●✿SKM賽馬會藝術中心✿●•

星期六日原本都打算去户外的，不過一時又話打風一時又話落雨，雖然打唔成，不過打風不成三日雨，如果一陣有狂風大雨就慘啦，淋濕我冇所謂，淋濕部機就慘啦。

一早PLAN 咗去室內，萬一有狂風雷暴都唔怕，

今次係去石硤尾嘅賽馬會藝術中心，位於白田街...我小時候未搬去鬼地方之前係住白田邨的，所以好清楚地點喺邊度，呢度前身係石硤尾工廠大廈。

一入去就有個攝影展，有牛頭角下邨, 蘇屋邨同埋石硤尾下邨的攝影作品。

當日好好天呀...藍天白雲。遠望石硤尾，拆咗好多樓，白田又重建咗好多樓，白田邨係我細細個長大的地方，好令人懷念，好多樓都拆哂，以前係飛機航道嚟架，啲樓有規定唔可以起過十六層，好難想像宜家啲樓咁高，連地鐵站行落嚟條斜路咁細塊地都可以起到樓，真係估唔到。

我同朋友講，呢度以前冇樓架，嗰度以前點點點，有啲似公公婆婆話當年咁。 XD

我始終還是最愛colourful 的裝飾。

當日有帶bear bear 出街，好耐冇帶過佢出街啦。

以下呢個好搞笑，用乾了的水果切片砌成一個兜。

有好多工作坊，不過好多都冇開，冇冷氣，只有一開始個攝影展有冷氣，好熱，好彩仲有戲肉未去，嗰度係有冷氣架。