§金滿庭§

上星期因為菲傭回鄉探親，所以姪仔嚟我屋企住一星期，為咗慰勞我阿媽成日勞氣同埋教佢做功課，所以有一晚就出去食飯，等佢煮少一餐。

好耐冇去金滿庭食，於是去食番餐先。

一向好鍾意佢啲茶，今次要人參烏龍茶。

前菜都唔馬虎架，(當然啦，茶芥都唔平)

當日點了必食嘅小籠包，一貫皮薄又唔會穿，好好食。 

窩貼又係好多汁，加埋啲醋真好食。 

佢鍾意食窩貼多過小籠包，可能細路仔都喜歡香口嘢啦。佢今次算係咁，差不多樣樣都鍾意食，有時佢唔鍾意食呢樣嗰樣搞到好煩，一人一隻窩貼應該啱啱好，點知佢又話要再食，於是叫多碟。 

上海粗炒。 

呢個花雕蒸蟹好食又好抵，因為做緊特價，唔知$58定$68蚊咋，成隻蟹，仲有啲上海年糕。 

仲有椒鹽排骨，好好食，不過都好熱氣又油，同埋好「漏」，結果呢個食唔哂，留番成一半做第二日lunch，仲有個re-order的窩貼，靚仔又話飽唔食，搞到我要食兩隻。 

因為太飽，所以都冇點到高力豆沙香蕉。