•●✿令人感動的生日午餐✿●•

七月一日 (星期三)

在六月三十日朋友MSN叫我七月一日去迪士尼酒店(翠樂庭)食buffet Lunch，每年生日呢班朋友都會同我慶祝，尤其是在七月一日有假期，好多時都有人同我慶祝，有時我都覺得幾幸福。

雖然成日都去迪迪尼，不過我一直都唔捨得食Disney Hotel的buffet，因為lunch 都幾貴，而dinner 又分了兩節，好似個半鐘頭一節，食得嚟影唔到相，影到相又食唔到嘢，所以咁多年都冇食過，當日聽到已經reserve咗位時，真係好開心。

約咗十二點在欣澳站等，班遲到大王到哂都差不多十二點半 >__<，好彩其實約早咗半個鐘。

去到好開心因為Mickey佢哋會逐張枱行過嚟同你傾計影相。我因為又要試玩新玩具，朋友又買了一部G10 ，我要同佢研究一下，所以攞了第一碟嘢食之後都冇咩食過。過冇耐就Pluto, Goofy, 已經嚟玩同傾計，

由於想試吓機，所以係咁同人影相，好唔得閒，都得閒拎嘢食時已經係唔知幾耐嘅事，hahahahh，一陣又有daisy, mickey 出來，好開心呀

buffet嘢食唔多，不過就幾高質素，樣樣都唔差，最開心係有我至愛的西柚汁，同埋佢有啲即刻整嘅雞蛋意粉/蕃茄意粉，墨魚麵，全部都好食，一樣有朱古力噴泉等，

甜品怪又嚟啦，其實我食咗好少，因為不斷影相，熱情果芝士蛋糕好好食，

仲有custard同埋我最喜歡的麵包焗布甸，不過不得不提有個白酒啫喱杯，有好香白酒味好好食架，我食了兩杯

食食吓就有職員走埋嚟問，邊個生日，由於我係二號先生日，所以都冇應佢，點知當時有阿Mickey同埋工作人員拎住個蛋糕出來同我唱生日歌，真係好開心呀，仲有Mickey 同我切生日蛋糕呢，結果我就開心到喊...因為好感動再加上我好冇用囉。因為完全冇諗過會有蛋糕 。(本身迪士尼酒店buffet唔會包蛋糕，要同佢訂先有)

當日都有其他人生日，真係好開心，好感動，咁熱都肯陪我去玩，呢一世都會記得呢一日，好感激呢一班好友咁錫我，thanks

食完仲周圍影吓相，因為四周都好靚。