★bloc 28 Mickey @ Times Square (2)★

上次去 Times Square影的Mckey 未post 哂，今次再post 多幾張先。其實有好多個款，前後都有特別的圖案。所以如果逐張post，有排都未整哂。

而且有唔少都影到有啲反光。所以只好揀啲ok 啲先post出來。

以下呢幅有線纏住好得意。

呢隻啲牙好好笑呀。

呢個好似多對眼。cute~

我最喜歡呢個。個花好靚。

呢幅對眼好恐怖。

呢個最特別係個鼻係燈泡。唔知可唔可以發光呢？

呢個係樹紋圖案，好得意。

另一隻我好喜歡的。

有一日忽然好想食 Jenny's Cookie。

走去買，當時仲有最後幾盒鳳梨卷，又買埋，因為唔係成日都有得賣。

自從上年買過幾次之後，有一排聖誕節，新年都好多人買嚟送禮。要訂先有，我就唔會特登訂囉。有就食，冇就唔食囉，呢啲時間大把任你買啦。

鳳梨卷個盒係長方形，好過圓形好多，好擺嘢好多。第一次食鳳梨卷麻麻地，可能因為啲人講得好難買到，好巴閉咁，所以對佢好大期望，點知食咗之後只係一般。

今次要食就覺得好好食。可能因為冇咩期望。 哈哈。

最後想講一樣幾開心嘅嘢，係。我一向有online photo album ，擺哂所有相上去，不過唔會刻意lock ，因為唔係太多local users ，大部分係外國user，平日都冇咩人睇，除非我刻意send 條link 俾人知，因為我為了多一個地方save 我啲相，買多個保險咁啦。由於成日影相，我又懶，我upload 上 album 已經脫咗期，前一排先upload 緊埃及啲相，點知有一日，開email時見到好多comment notification 的email，先知原來我其中一幅相俾人選咗為 travel 的photo of the day，勁多人view ，而且勁多download，至於張相係點，其實唔係啲咩靚嘢，只係可能因為Abu Simbel 本身好宏偉，只要影吓就會有人欣賞囉。

就係呢張啦。