6月23日星期五
呢個星期開始，BB日日都去表哥屋企玩，工人姐姐除了BB瞓覺，日日都帶BB去玩，雖然未識行未識講嘢。但佢對表哥好有興趣，表哥平日冇人同佢玩，都好想同BB玩玩。
表哥屋企好多玩具，BB玩厭哂屋企啲玩具，可以去玩唔同玩具，應該好開心。
呢架麵包超人車，表弟又有份玩，
其實兩個一齊玩真係幾開心，表哥覺得自己大個咗，好叻，表弟唔識嘢，可以教佢，令佢多咗份責任感。而表弟BB就可以喺表哥身上學到好多嘢，佢見到表哥識行識走，佢當然有動力想學。原本唔喜歡爬，因為表哥用玩具引佢而爬快咗好多。希望因為咁佢可以快啲識講嘢啦。
希望佢哋可以兩兄弟咁一起成長，相親相愛，識得讓對方，唔好咁自私。
成長有伴，可以互相學習，互相影響，呢個就係我想搬返馬鞍山住的原因。
沒有留言:
張貼留言