20170612 - 打風✿｡◕‿◕｡✿

6月12日星期一

今日無端端打風。尋日一號風球，仲話冇咩機會三號，點知今早一瞓醒就幼稚園停課，中午三號，冇咩心機做嘢。因為個風似吹得幾正，唔八號都會大風雨。喺公司食吓同事手信咁。

個風越吹越正，下午兩點左右都估到會掛八。估唔到五點廿分先掛，完全冇諗過六月就打得成風。

諗住坐980x唔太塞，但都係塞，同埋開得晏，結果早一粒鍾放工就坐返兩個鐘車，同平日一樣時間返屋企。

今日熊人唔喺屋企，自己照顧寶寶。結婚之後未試過熊人打風唔係一齊，掛坐熊人。

BB又點會識咩打風，一樣玩得好開心。

又爬又企咁，最衰黃昏前掛咗八號，多數捱到聽日，聽日都要返架啦，如果唔駛返工同BB玩玩係幾開心的事。