20170616 - ♣♧睇醫生♧♣

6月16日星期五

星期日寶寶有啲鼻水，有幾聲咳，同佢聞氣，滴鼻好似好啲。

星期一都係穩陣起見，預咗醫生叫婆婆姐姐帶去睇醫生，食咗一兩次藥就冇咩事。

點知星期三又開始咳，再食藥都唔好，聽到咳得比較深，所以就星期五自己請日假帶寶寶去睇醫生，朝早好大雨，好彩出門口時停雨了。

一早寶寶食粥仔個樣。

好彩寶寶唔算好嚴重，係落咗氣管，但轉過啲藥應該ok，雖然上次俾七日藥，但轉咗症都要再睇，如果等到聽日先睇，寶寶就辛苦多一日了。

帶咗寶寶睇醫生後，我叫姐姐去搞搞個電話。我就同寶寶兩個人周圍行，好喜歡兩母子拍拖呢。行店子影相，買桂花粉俾寶寶，重就重啲，少少辛苦。但都好開心。