20160510 - o(︶︿︶)o 病

5月10日星期二

母親節之後開始喉嚨痛，星期一都係捱住返工，到咗放工先有得睇醫生，都擓定星期二假紙，星期一晚食完飯已經開始想瞓，再沖完涼之後十一點幾就瞓，起身有想過返工，食完個早餐，食藥，好大雨，索性唔返，WHATS APP 甲蟲就再倒頭大睡，唔知點解可以攰成咁，竟然瞓到都市閒情先肯起身，食完碗粥又再想瞓，之後熊人捉我起身行吓同買餸，鼻水繼續流同塞塞吓。
之後食飽飯好似好啲啲。但夜啲都可以照瞓，宜家啲藥好輕，好得好慢，只有瞓覺先可以好得快啲。希望快啲好返。