20160504 - ✿｡◕‿◕｡✿掃街

5月4日星期三。

專登去葵芳吉野家打算換蛋黃哥雨傘或者杯，因為儲夠印花，而且要五月一日先開始換領，點知全部換完，於是去荃灣吉野家試試。都係換哂，真係好傷心。

 

去到荃灣就食晚飯，一開始食咗豬腸粉，都飽飽地，再食唔落飯。

之後再周圍行吓睇吓食乜，去咗十八座狗仔粉度食生菜魚肉，不過不失啦。

另外有個火鴨碗仔翅好似好特別，其實俾佢吸引先食，點知都幾失望，佢係有唔少火鴨，不過個味道同碗仔翅唔夾，淨碗仔翅好過了。

 

 

食完之後個胃好唔舒服，痛咗一晚。想點？