20151128 - •●❤東京之旅(8) 元宿吃吃吃❤●•

11月28日星期六

 

高尾山-->新宿(75-82分)

高尾山回新宿已經夜了。再到原宿多十分鐘左右。JR出口附近好多店舖，仲要好多都係賣得意嘢，不過我要留返啲時間去Line Friends Store朝聖。

 

尋晚食過個好好味的蛋包飯之後，我哋好想再食多次，於是ONLINE SEARCH一下。

找到在竹下通Cute Cube 3/F ポムの樹，Cute Cube似旺角的小商店，店子小小，但有很多可愛的東東賣，去到3樓，另一面是布甸狗CAFE，另一面是食蛋包飯。

一進去，好可愛日系FEEL，不過就唔啱大男人的熊人囉。

 

對面是布甸狗。

MENU 都好靚。

因為11月底，有聖誕菜式。

熊貓好可愛，我係咁影相，餐廳唔多人，可能因為只是六點左右，啲食客都係女仔為主。

點咗兩樣嘢咋，係蛋包飯同埋熱香餅，啲嘢食好靚同MENU上的圖是一樣的。

味道就不過不失，好似尋日餐飯好食啲。去到日本咁耐第一次食啲咁KAWAII的餐廳，去吓當見識都好。

食完路過啲小店想買嘢，但最後都冇。
因為要趕住去LINE FRIEND STORE朝聖。
LINE FRIEND STORE都換上聖誕裝，其實啲嘢同HK LINE FRIEND STORE差不多。
係影吓相。買咗個日本限定的化妝袋。

其他嘢就影咗當買咗。

之後又係咁行，冇咩目的定行，有些店舖都早收，行咗啲小街有衫賣。其中經過有間チチカカ因為就要搬遷，所以啲衫好平，買咗件褸300幾蚊港紙咋，一買嘢就耐，買完嘢好多店舖都收檔，結果又搵食。見到有間食天婦羅，但似快餐店咁，入去食吓，大約800YEN一個SET。
也點了些小食，如豆腐。

中華沙律。

天婦羅好乾身，唔會成口油，但裡面又唔會炸到好硬好乾。好食呢。質素唔錯又幾抵食。