11月27日星期五，
今日係自駕遊。去富士山，昨晚拎咗架車在酒店泊，都只是1000日圓一晚，大家見識了日本泊車係好得意，
今早九點前出發，我們一早搵哂map code或電話號碼，只要輸入就可以搵路，今日好好天，未到郊區前奶多電子收費系統。沿路一般限速80，但好多當地車都過我哋頭。
一路行已經開始見到富士山，由於天氣好，所以能見度極高，富士山頂上的積雪，似帶頂帽。
但沿途高速公路都幾難停低，唯有喺車頭勁影。
富士山頂上蓋上層雲，好得意。
車程大約兩小時會去到河口湖，當時大約有1-2度。買好飛，排隊上去河口湖的天上山公園纜車，點知差幾架車到我哋時話大風、要停駛，好想喊，聽講話可能一陣開返，我哋唯有去富士山五合目，點知去到四合目時已經唔俾上，封哂路。仲要喺四合目見到好多好多大陸遊客。我買咗少少紀念品，同影相留念就要走，當時中午時分，日照好猛，都大約只有負2，負3度。好彩車有暖氣。
又回到河口湖，今次可以上登山纜車了。上到去另有一番景象，有山路可以行山。
有紅葉
亦有好靚的無敵view看富士山，真係好清同萬里無雲。
另外後面仲有日落茫草襯富士山，金光閃閃好靚。我哋一路影相，隻手一路凍到赤，最後太陽就落山（四點就落山）無奈要下山。
落到山已經差不多天黑，河口湖有民宿住，好多店鋪只開中午，一兩點打後已無嘢食，好彩呢間cake shop 仲有開，食件蛋糕同嘆杯咖啡才起程返歸吧。
日式cheese cake 唔太濃味，好食。
由於塞車，返到去到新宿交車之後都八點幾了，當然要去搵食，見到間日式西餐廳就入去食，好好味，有果汁味的啤酒，我可以飲好多都得。
沙律。
超好食的蛋包飯。
沒有留言:
張貼留言