20131224 - •●❤平安夜@沙田新城市廣場 ❤●•

12月24日星期二

終於到聖誕節，難得個麻煩老闆已放假，可以sharp走人。開心。

近近地同熊行吓工展會先，都係食嘢為主，食了串燒，鮑魚，腸仔，仲有麻麻地的小籠包。

唔敢買太多嘢，因為冇揸車，唔想拎餐死，但熊都買了腰果重重。

之後入番沙田，

因為想睇吓空中花園的燈飾，上年都有，但冇去到睇，今年本身想十二初或月中睇，但之前病到傻，睇咗都影唔到相(因為個樣太病)

入到沙田都係七點左右，都幾多人，要排隊慢慢行，但都算好快入到去睇，真係好多燈呢，感覺係好浪漫。

不過影相就好難搞。因為想影到個人面夠光時，後面燈飾會爆光，而後面清時人就會好暗，只影景就冇問題。

其實可以試用flash，但要慢慢較同埋最好用大機，而當你用flash時，隔離人山人海都會攝入鏡頭內。

到咗八點正有啲燈飾同音樂演奏，好靚，仲會噴雪，好有氣氛呢。

中間有水呢個位，可以排隊俾官方幫你昌影張相，後面會冇人之餘仲一定影得好靚。不過當日太多人啦。唔排了。下年有機會唔好平安夜嚟，到時慢慢玩。

之後同熊行一陣，同佢買咗啲衫至返家。沙田唔太迫人，幾好呀。