20131207 - ♪♬♩♫滬江大飯店♪♬♩♫

12月7 日星期六。

同熊見面兩周年的日子，原本約好同同事去小欖BBQ，點知上個星期開始病，咳到好嚴重，而且又好多人都冇覺好瞓。

所以冇去BBQ，放工同熊去了尖沙咀，忽然想食上海菜，好彩熊記得近ISQUARE有間上海嘢，於是去試吓。

個格局似啲老牌飯店，店舖門口不大，要落地庫的，原來在OR好多好評，價錢不便宜，好彩當日是午市，有啲午市特價嘢依吓。

鱔糊麵好好食，鱔糊份量幾多，而且夠肥大，又唔會太腍，比一般上海芋菜好食。

配湯麵清清地一流。 

由於是大閘蟹的季節，所以有大閘蟹menu。 我哋點了一個蟹粉籠仔蒸飯，蟹少味很濃，適合配點冇味的，而呢個係糯米飯都幾好，個籠仔真係好細個。

點了一樣蟹粉菜色就夠，所以只係食普通小籠包，因為小籠包本身味道已經好濃，再加蟹粉會搶哂啲味。

小籠包的皮不及金滿庭的薄，幸好肉汁夠鮮味。都尚算不錯。

另外點了蘿蔔絲酥餅，是午市點心，所以唔太貴。

食完之後同熊返家，熊煮雞飯俾我食，我咳得好緊要，同埋好辛苦，醫生叫我吸氣，我唔多識吸，都係叫熊幫手按支藥，辛苦到好想喊，要熊照顧患病的我，真的過意唔去。