20131218 - ✿｡◕‿◕｡✿Ramen Champion (超男)

12月18日星期三。

自從六月去過日本去過京都的拉麵小路食過一碗好好食的拉麵之後，大家都對呢碗拉都念念不忘。後來知道Ramen Champion 有，就成日想搵日去試，不過Ramen Champion 在佐敦，四周冇咩嘢睇，所以一直都冇去過。

今日的起心肝去食，點知，博多一幸舍唔見咗....嗚嗚，好彩有幾間拉麵， 一場去到都要試吓。我哋揀咗一間叫唔知咩男， (日文字)，OR的名子叫超男Bario，有個日本廚師好好笑，好親切咁用佢有限的廣東話去介紹拉麵。我們點了豬骨濃湯半熟蛋拉麵。

原來是粗麵來的，麵身有咬口，粗到好似烏冬，豬骨湯的味道夠濃香，但喝後不會感到口渴，而且味道跟粗麵很配，用來送淡味的芽菜亦十分美味，亦有勁多的芽菜，好似個小山丘咁高，

另外碗內有三片厚厚的叉燒，脂肪不多，但肉質又滑又淋，滲出滷水的味道，相當好吃。滷水蛋亦煮得很入味，半熟的蛋黃晶瑩軟熟，是水準之作。由於啲麵好粗，而且份量不少，所以食唔哂呢。

去ramen champion 係恆豐中心地庫拉麵專區的拉麵店，這兒有點像購物商場的食街，各拉麵店設在場內的外圍，中間位置則是客座，其中一檔是茶水檔，為客人提供免費綠茶和售賣其他飲品。入門口時每人一個牌，點嘢食就俾個牌佢記數，食完去收銀結算就可以了。落單之後佢又會俾個裝置你，到啲麵整好時就會著燈閃閃吓，就可以去拎了。

不過有樣蠢咗係，其實我哋應該唔同店子都叫一碗，可以一次試兩間拉麵嘛。