20130817 - •●✿悠閒周末✿●•

8月17日星期六
熊來接我放工，好開心。
本來想去睇戲，想睇Pacific Rim，但好多都冇乜位，ifc 開1:35，去到仲要得番頭一行，把幾火唔睇，仲要135蚊張飛，唔抵囉。
叫熊不如明天睇早場，旺角都係65蚊，11:05，不過熊邊會咁早起到身架，佢要考慮一下。

我哋去咗delifance食包包，原來有set有埋湯。
good。
蕃茄湯好濃蕃茄味，好正呀。比較酸，但我同熊都覺得正。

 另一個湯係磨菇湯，都有濃濃的磨菇味，very good~

好過傳統的紅白湯好多。

SET有湯有嘢飲，咖啡麻麻地。湯仲有一片小小的蒜蓉包，味道都唔錯呀。

 

每人叫一個包，撈亂食。
嘻嘻，熊知我喜歡食碎蛋，唔駛問我都幫我點了。我覺得DELIFANCE的碎蛋真係幾好食，尤其是價錢都幾平。

 

之後在中環四圍行，經過中環街市，好多鳥，成條街都係鳥。

好多仲停哂喺到。

之後去旺角買定聽朝早的早場戲飛。買咗飛就要早起啦。HEHEHE。

旺角好多人，好唔喜歡旺角，好壓迫，所以都係同熊坐車返屯門好了。

返到屯市又有少少肚餓。

去了我地都喜歡的EURO GOGO 食少少嘢，點知叫吓叫吓都唔少嘢。

因為加錢就有蕃茄通粉。不過唔係太好食，通粉唔夠爽口。

 

青口，都係一般，好似38蚊六隻。

最正都係蜜糖雞翼，真係食極都唔厭的。
好香，最喜歡佢係焗，唔會熱氣。
 

凍MOCHA 都幾好飲，因為個cream唔錯。





































之後去吉豬島買咗壽司食。
由於頭先食完都成六點，所以晚餐都好晏至食。
晚餐就係壽司。

仲有上兩個星期買咗啲魚，煎埋嚟食，成十點至食晚飯。