20130811 - ☼☼日落白泥☼☼

八月十一日星期日

知道有可能打風，都估計星期六日有靚日落，點知琴日吹西風，好多煙霞，好彩星期日又吹番東南風，空氣即刻fresh哂。但天氣好熱。好似火爐咁熱。

同爸媽去飲茶，之後熊接我，去買餸先。在熊家等一陣先出發，熊只食了早餐，熊在家用現成pastry 加新鮮藍莓煮成醬來焗，變成藍莓酥皮。

到了五點半就開車入白泥，去到流浮山行錯路轉錯反方向。之後問人先知，再入白泥開始好塞車，好多車出，等好耐都入唔到去最入面塊空地，到公路有個位好大塊蠔田又塞。熊叫我落車影先。我銀包電話都冇拎就落車，影到鹹蛋黃，本身有舊烏雲，好彩都見到，但當日仲有其他雲，所以落唔到地平線。香港可以睇到地平線的地方唔多，白泥睇到之餘，仲有蠔田啲水反射光。好靚。

太陽消失後，就是magic hour，晚霞有好大變化，尤其差不多打風時，天空有時會議變紅色，呢個時候，熊都轉番架車出來，可以同熊一起看magic hour都好開心呢，係咁影，仲見到月亮。七點幾，有兩個著迷彩衫的阿蛇對住熊架車指手劃腳。拍抄牌，都係走人。

有一粒月亮 (^3^)

iphone 影的。

 

之後返去熊仲煮pasta 俾我食。好食的牡丹蝦，仲有熊用了茄汁，九層塔等整成的pasta，好味。熊辛苦了。

今日整的PASTRY，當TEA食哂。