20130107 - ◈◈新匯江◈◈

1月7日星期一。

熊公司樓下，正正對面間茶餐廳，好鬼旺，熊成日去食。
咁我就間唔中去食。
有茶餐有下午茶，車仔麵，仲有小炒。好多種類，難得的是唔同種類都做得幾好食。
所以咩時候都好鬼多人。

有時我放工會去熊公司附近吃吃。
好多間都食過。
舊區的雲吞麵，粥，茶餐都係我的至愛。

嚟新匯江我哋晚飯多數食小炒，跟碗飯。
今日就食南乳粗齋，可以食多啲蔬菜。
小炒幾夠火路的。

冬天另一個好選擇就係煲仔飯。

食完個人暖暖。煲仔飯好多人食，即刻整，所以等得幾耐架。
北菇雞，加啲鼓油，yummy~

 

加錢可以跟嘢飲。

呢間個奶茶好好味的，好多味。推介。