20130103 - ◇◆甘味讚岐手打烏冬◆◇

1月3日星期四

熊難得星期四唔駛夾BAND。
同佢行沙田HEA HEA ，又可以睇吓衫。
同熊去食烏冬。
好耐冇喺沙田食烏冬。
屯門都有甘味。
我覺得呢間平平，而且好食過自家烏冬。
喺新城市廣場第三期，遠少少。但坐得幾舒服，位唔會太迫。

食烏冬/二十穀飯加錢就可以食呢個。類似PANCAKE 咁，但麻麻地。

 order咗人氣嘅滑蛋蟹子巨型蟹柳讚岐手打烏冬。呢個我覺得OK。喜歡食巨型蟹柳，烏冬質地幾好，幾彈牙。

 咖哩豬扒二十穀飯。冇二十穀囉，都是紅米同糙米為主。跟埋湯同栗米，合格啦。起碼熱辣辣。

 再點了個八爪魚餅沙律。
有好多三文魚子喎。都唔錯。埋單百六蚊咋。宜家嚟講算抵食。