20130106 - ╮(╯▽╰)╭踩單車:(

1月6日星期日

今日學踏單車。
由於天氣都幾凍，所以大家各自各在家賴床。
兩點半至到沙田火車站。
再一齊坐一個站火車去大圍，
租單車60蚊全日，七點交車，
找啲少人的地方學，我都知自己蠢，但冇諗過蠢成咁。
成世人第一次試踏單車，原來真係好難，平衡唔到，唉。

大家只係各自食過早餐，於是四點鐘時就去返大圍食嘢

 

 間店子叫做林園甜品粉麵小食，似街坊小食。因為我地見到有潮州粉果。
我地食咗好多嘢，包括香茅豬扒湯濛，幾好食，估佢唔到。
粉果個樣麻麻地，兩件黏在一起，但都ok，not bad。

仲點了齋，11蚊一碟，有三樣，
之後個老闆娘見我地仲想食嘢，就叫我地點泰式拼盤，兩樣嘢29蚊，點了泰式春卷同雞翼，
春卷好好食，估佢唔到。而雞翼則普通，但熱辣辣的。
最後仲點了豆花，都ok，豆味夠濃。
個老闆娘係上咗年紀的，有啲惡，似媽媽教仔咁，好好笑。
一開始就見佢問人出面啲單車係邊個，唔好阻住路邊，
之後又有人俾五百蚊佢找，佢又話冇得找。
有人買黑糯米外賣，佢又大大聲問人要唔要椰汁呀。
不過其實係佢嘅講嘢方式，其實應該唔係惡。

之後再去踩單車，點到平衡唔到，好灰心。
一踏上腳踏就跌，灰心，一係就一邊腳踩唔到個腳踏。
原來我真係好蠢，
最慘係熊在旁邊，要用力傍住我，好慘呀。
辛苦熊了。