ヾ(◍'౪`◍)ﾉﾞ金寶 Cambo Cafeteria@The One

上星期日同朋友去了The One 看完藍精靈之後就喺嗰度搵嘢食。

其中有提議食東南亞嘢。

金寶唔算多人等一陣就有位。

蔡瀾提字又點？最重要係下面幾粒字: 「本店免收加一」

活蝦刺身幾好食，蝦肉爽脆，酸酸地辣辣地好開胃。

海南雞就不過不失。冇咩特別。

醬爆蝦丸，內面餡料係用蝦膏做的，幾好食，不過比較乾同埋一啲都冇醬爆，唔可以叫醬爆蝦丸

扎肉蒸少包，好似係蒸粉皮咁上下，粉皮好薄都幾好食。

不過上面舊扎肉就咁放上去，唔知想點。

豬頸肉撈檬，好一般。

菠蘿炒飯，冇咩料，只有幾隻蝦喺上面，不過不失啦。

甜品有西米糕又有芒果糯米，不過芒果糯米唔記得影相。

每人大約100蚊到，可能因為免加一，所以都算抵食。

不過座位好迫同埋啲服務麻麻。叫好耐先有人理。