╭。☆挨瘋有新衫☆。╮

用咗挨瘋大半年，冇買過case，因為好嘅case好貴，唔好嘅case/太fit嘅case又會整到張保護貼谷起，基本上20蚊以上嘅case都唔會買，因為我唔需要成日換殼換衫，起初用挨瘋都係因為炒機賺咗錢先豪俾佢。 (後來因為咁而中了蘋果毒是另一回事，是後話)

用過3個case，兩個原裝case因炒機時送的，有個就係太fit搞到保護貼谷起， 大哥呀保護貼都要20蚊張架，成日換唔合乎經濟邏輯架，(cheap就真! =__=)最後屈咗個同事俾佢用開個case我用都係原裝apple 不過包邊少啲，用咗超過半年，比較simple，男性化嘅case。

到後來朋友俾個白色case我，好靚，不過用一個月就變色了，好彩我職業嘅傳統係唔會隨便丟嘢嘅，又挖番之前個case出嚟用，咁耐一蚊都冇花過喺個case到。

以為可以到轉挨瘋5都唔會花錢....點知臨尾香。

因為同事好介紹買咗貼紙，底面側面都貼哂，我忍唔住買咗兩個款。

因為夠平，喺淘寶度買架，19蚊人仔一set，我買咗兩set，之前喺街見過呢啲貼紙要成一百蚊一set，根本唔會買，宜家平平地就買嚟玩吓，自己貼架，唔包保護貼，慳家性格見舊mon 貼唔算好花，用番張舊mon 貼，只貼貼紙喺面。

底....呢個花係london big ben+巴士。好鍾意。

仲有一set未用，之前用開個case都依然keep住，萬一有咩問題都唔會嘥錢買。

我覺得自己真係cheap到冇人有。 XD