♪♬♩♫ 四月份台北之旅(8)-淒冷的情人橋♪♬♩♫

好快又到了台北之旅第三天，經過昨天的冷鋒南下之後，氣溫下降了不少，得14度左右，還要帶點雨。在酒店吃過早餐後就去西門站坐捷運到淡水。途中要在台北車站轉車，之後坐成十幾廿個站先到架。到圓山站時因為花博好多人落車，終於有位坐。

一去到淡水車站已發現唔對路，好大風大雨。等紅26入去漁人碼頭。入到去落車時，竟然得小貓三四隻，明明係假期點解都可以咁少人呢？

唉因為天氣太惡劣，天氣由昨天的廿幾度，跌到十幾度，而且好大雨，可能近海，比起在市區真是大雨得多，風又大。成條情人橋唔夠十個人，當中已包括我哋一家四口。你話幾離譜，而且吹到遮都反埋。

情人橋原名跨海大橋，在零三年建成，連接著當地市場與外港， 是淡水的著名地標。 當時領導人陳水扁見該地最多一雙一對的情侶，於是就決定改名為「 情人橋」。 當地人說，只要與心愛的人手拖著手、不回頭地走畢情人橋全程， 就會得到上天祝福，可以有情人終成眷屬。沿情人橋走到對岸，可走到全長510公尺的木棧道起點。

行過情人橋就走都走唔切，漁人碼頭不再熱鬧，冷雨中尤如死城一般，大家都有點像戰敗一般落荒而逃，逃去碼頭坐船去淡水老街好了。坐船成本可不菲啊，要33元台幣，算是高消費了。

上到岸就是淡老街了。位於捷運淡水站旁的 淡水老街，一般所說的淡水老街，泛指中正路一帶(從渡船碼頭附近到與中山路 交會口路段)，含其周圍鄰接之三民街、重建街等。在此看看海，在海旁小店嘗街頭小吃或投入童玩遊戲， 來到淡水，吃當然是重要遊趣，但大家也不可錯過淡水老街上可重拾的童真情懷。

食食食，花枝丸食得多，左邊的一塊塊係叫花枝燒，成片花枝肉炸，好好食。

原本想食名給，但當日太多人，又凍又落大雨，唔想濕林林咁等位，行咗一陣都係去咗一間叫Amanda Cafe度等一等，歇一歇，點解要揀呢間cafe，因為有無限上網，iphonE人即時拎個Phone出嚟攞wifi，天氣凍飲杯coffe好了。有tea set。

墨西哥炸片+飲品，NT180

另外的SET是美式芝士蛋糕，好好食，但太細件了。大胃王上身的我真係唔夠食....XD

例牌飲Latte，ok好飲。

又可以飲綠茶嘅。

hea了大半小時沿淡水老街行番出淡水捷運站，因為天氣差而浪費了大半天的行程真令人傷感啊。