♪♬♩♫ 四月份台北之旅(6)-399吃到飽♪♬♩♫

去完九份其實好鬼早，因為第一程去金瓜石是坐的士，慳好多時間，去到九份人太多，2迫，迫到冇咩心機行，出入一下條街食少少嘢就算了。在九份走的時候好似只係兩點幾咋，直接坐車到台北車站，唔喺瑞芳轉了。之後返酒店稍事休息，就再出去西門町食晚飯。

呢個TRIP係吃喝玩樂之旅，hea而且食得豪。因為兩位大人哥哥媽咪都唔餓得，

呢個行程預定會食NT399吃到飽，吃到飽即是自助式無限供應食物，包你吃到飽。好友C是台灣常客，佢介紹呢間位於西門町的鍋大爺，因為甜品有哈根達斯及明治雪糕，食佢幾球都抵番哂啦，係咪？

不過由於是假日關係，要NT459一個人，其實西門町勁多呢類食火鍋的店子，一般會收取10%服務費的。有啲更加係火鍋加燒烤兩味呢，大部份甜品都有貴價雪糕食，所以其實好抵食。

所以火鍋材料任攞，除了豬，羊，牛要要求侍應拎先會拎俾你，因為佢話要咁先至新鮮喎。

一碟碟咁上，切好薄片。

都好新鮮，家中的牛魔王狂叫牛

好多種丸，其中貢丸真係好好食，味道同香港食到的好唔同，鮮好多。

湯底有麻辣可以揀，不過大人唔食麻辣=_=

海鮮超勁多，有蝦，蟹，帶子，青口等，仲成日REFILL，一定可以拎到。

不過啲帶子淥完縮到好細粒咋，陰公。

又拎蝦同埋花枝魚滑，So yummy

飲品方面有西瓜汁，可樂，桃汁，啤酒，綠茶等等任飲，其中西瓜汁好足料，值得推介飲多幾杯。

雪糕方面Haggen Dazs雪糕有士多啤梨，咖啡味等，但沒有綠茶雪糕，幸好明治的綠茶雪糕味道不錯，唔甜，食了幾球。仲有啫喱，布甸等甜品，包你食到飽。

比較差少少係醬汁方面唔及香港咁多。

認住佢，就係呢間啦，好近鴨肉扁的。