年年都去台灣，不過我其實只係去過兩次台北咋，第一次係零二年春天，第一次去台灣，跟團。
第二次係零七年夏天，第一次自由行，回程仲遇上打風，好深刻難忘。之後就09,
10年都再去台灣，不過一次係高雄+墾丁，另一次係台中。今次再去台北，有四本旅遊書在手，駕輕就熟啦。幾年冇去，有啲變咗，上次去仲用傻瓜機。今次去就用 Nikon
Baby啦。唔同架啦。
第一日係早機9:10出發去台灣，一行四人坐的士去機場，前所未有咁c服，一早在機場食個早餐先，美心快餐。
架機超勁新，可惜只係坐一個鐘。
CX飛機餐好難食，今次就咁一個火腿芝士包就反而好食過飯麵。呵呵。
坐CX530，在台灣機場唱錢，等行李都幾快。
今次個package係CX機+台北花園酒店，貴嘢嚟架，台北花園酒店地點麻麻，位於小南門站同西門町站之間，如果坐飛狗巴士是尾站嚟架，所以都幾耐，以前印象中好似唔駛轉車，宜家要中途轉車都好唔方便啫，仲要轉一架公車咁，等到下一班車成兩三個字先開車，後尾上車啲人仲冇位坐呀。
好新同埋間房又真係幾大嘅。
之前在港的台灣旅遊局拎了優悠卡，有50台幣是送的，而且坐捷運有八折，張卡仲好靚。
第一個節目係去High tea， Smith & Hsu tea，好出名架
食英式high
tea，我哋去呢間就在市政府站。是間中西合璧的茶館，但卻以英式鬆餅scone熱爆網絡，有英式花園下午茶，包三層英式下午茶點和兩壺茶，飲茶用的餐具都是自家製品。
一樽樽係唔同味的花茶/果茶俾你揀。order了兩款，一款是kiwi +
strawberry ，另一款是strawberry +百香果，好飲，果味好濃。
Bear bear都有份揀架。
今次bear仲有個朋友仔一齊同行，佢叫做鱷魚，大家好。~~~~
間嘢好少位，我哋係坐十人的包廂，
可憐的bear bear以為自己有份食咩？其實佢好快俾人食埋都唔知，上碟~~~~~
英式三層high tea set，NT1,120 ，so yummy。
出名Scone真是好好食，應該話因為個Cream超香滑。
鹹點的包都好好食。
cake只可以揀兩款，揀了american cheese cake & coffee
。都幾好食，
再order多一個沙律，不過不失。有幾間分店，我試的店子位於台北市信義區忠孝東路五段33號
沒有留言:
張貼留言