20180120 - ☼☀ 早茶@客香邨☀☼

1月20日星期六
前兩日熊人話發現大圍原來有得飲夜茶，仲話同我去。
都好呀，佢半夜返嚟屋企拉我起身去飲茶。
去到都五點幾，應該叫早茶吧。
呢度應該是全大圍唯一可以通宵的飲茶吧。

地址: 大圍積存街74-76號地下A舖

有唔少點心可以揀，自己出去拎，
熱辣辣又新鮮，未必係好精緻的點心，但起碼新鮮蒸住。但有舊式酒樓風味，大大件點心。
有懷舊的春蛋燒賣。

大大碟的鳳爪。



足料的雞扎。有齊魚肚，冬菇，鮑片，雞肉。

幾爽口的蝦餃。當然唔好同美心比較啦。

仲有馬拉糕。我哋點了普洱茶，都叫做水滾茶靚，茶幾香。

由於通宵都開，有好多夜間的士司機呢。係一個宵夜既好去處。

兩口子清晨去飲茶，好得意呢。